زهرا - آچ گوزووی یاتما - حیدری آغلاتما
اشگیمی هجرونده - خونِ دله قاتما
زهرا - دردیمه یوخ چاره - باخ بو دلِ زاره
آغلاشور اطفالون - قالمیشام آواره
زهرا زهرا - نجه گور گوز یاشیم آخور
یاندیروب قلبیمی یاخور
سنه من ایلورم - کفن
حسرتیله حسن باخور
زهرا زهرا - دیور ایوای جوان ننه
دردی چوخ باغریقان ننه
حقّی اوستونده - کوچده
دویولن بی‌امان ننه
حالیمه باخ - دربدر اطفالیمه باخ
آغلور حسینون دیور احوالیمه باخ
فاطمه‌جان - زینب ایدور آه و افغان
ناله‌سینه وار یری اودلانسا جهان
گیتمه - بال و پریم گیتمه - ای گهریم‌گیتمه
یوخ کمکیم زهرا - حیدری ترک ایتمه
یاریم - یاره‌لی دلداریم - غم گونی غمخواریم
جانِ علی گیتمه یارِ فداکاریم
زهرا زهرا - نجه گور آغلورام سنه
یوخ تسلّی ویرن منه
اریمیش جسمیوی اوزوم
بوکورم آخر - کفنه
زهرا زهرا - من‌گرک بزم غم قورام
نار غم دلده یاندورام
بولمورم پیکرون نجه
بو گیجه قبره تاپشورام
آغلامیشام - سینمی من داغلامیشام
سیلی گویردن یوزه چوخ آغلامیشام
ماهیم اویان- ماهِ شبانگاهیم اویان
گور نجه عرشه اوجالوب آهیم اویان
- پنج شنبه
- 2
- اردیبهشت
- 1400
- ساعت
- 13:56
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه