نور حقّ اولدی منجلی
ظهور ایدوب جلوهٔ ولی
قولاق ویرون عرشیدن گلور
بانگ یا مرتضی علی(2)
شاه دُلدُل سوار علیدی
صاحب ذوالفقار علیدی
شیر پروردگار علیدی
یا علی مرتضی مدد (۲)
گوز آچاندا او مقتدا
ایشیخلانوب خانه خدا
باخوب دیوللر فرشته‌لر
بیله مولوده جان فدا(2)
مفخر کائنات علیدی
رکن ثوم و صلاة علیدی
شیعیانه نجات علیدی
یا علی مرتضی مدد (۲)
کیمین اولسا محّبتی
اورکده حبّ ولایتی
ویروبدی خلّاق لامکان
اونا جنّت بشارتی(2)
شرف و عزّتیم علیدی
سبب خلقتیم علیدی
شأن و شخصیّتیم علیدی
یا علی مرتضی مدد (۲)
دل و جاندان علی چیم
به حُکم ایمان علی چیم
علی آدین اورگدوب آنام
دیل آچاندان علی چیم(2)
دلده هر آن واردی سلامیم
گیجه گوندوز ذکر و کلامیم
هر ایکی دنیاده امامیم
یا علی مرتضی مدد (۲)
- یکشنبه
- 5
- اردیبهشت
- 1400
- ساعت
- 21:41
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه