پوزولوپ چمنون داغیلوب بدنون
آنام اوغلی بویور هانی - پیرهنون
آخور اشگِ ملال خبر حالیمی آل
گیدورم یارالی منی دور یولا سال
یارالی - یارالی
نجه گور آنالار - آتاسیز بالالار
سینه داغلی گیدور- قولی باغلی گیدور
سنی تاری اَخا نظر ایت باجیوا
سفر اوسته منی اوزون ایله دعا
غم هواسی اسیر شمره اولدوق اسیر
قورخودان بالالار ایله گول تک اسیر
یارالی - یارالی
باجون اشگ‌فشان - غمه اولدی نشان
سینه داغلی گیدور - قولی باغلی گیدور
یری واردی یانام بو غمه دایانام
نجه گلسه تاپار سنی غملی آنام
دیله گل گوزون آش ایله دردیوی فاش
توکولوب بو قدر نیه مقتله داش
یارالی - یارالی
آخان اولدوزا باخ - بو کیچیک قیزا باخ
سینه داغلی گیدور - قولی باغلی گیدور
حرم اولدی تالان بیزه اولدی اولان
قاچاقاچدا ئولوب ایاق آلتدا قالان
دیسم اولدی نَلَر آنام اشگین الر
یانوب آغلامیشوخ گیجه صبحه قدر
یارالی - یارالی
اورک اولدی کباب - حرم اهلی رباب
سینه داغلی گیدور - قولی باغلی گیدور
- سه شنبه
- 7
- اردیبهشت
- 1400
- ساعت
- 20:50
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه