ای یوسف زمانه مولا آدون فداسی
وی گوهر یگانه مولا آدون فداسی
هجرانیدن دونوبدی القانه قلب زاریم
زندان اولوب زمانه مولا آدون فداسی
قدّیم بوکولدی جانا اوخشار بجادی یازسام
چوگانه یا کمانه مولا آدون فداسی
ای شاه خوبرویان من عاصیم سیه رو
لطف ایت بو قلبی قانه مولا آدون فداسی
دونموش گوزومده قانه گوز یاشیم حسرتیلن
رخساریمه روانه مولا آدون فداسی
دوتموش جهانی یکسر آلام و ظلم و کینه
دولموش شراره جانه مولا آدون فداسی
گلزار مرتضاده ای سرو ماه طلعت
یا صاحب زمانه مولا آدون فداسی
آدینه دور یولوندا گوزلر ایدولّه سوسو
گل شیعه گلدی جانه مولا آدون فداسی
یوخ واژه ی مناسب الکن زبانم آقا
(ثاقب)دی بی نشانه مولا آدون فداسی
- پنج شنبه
- 9
- اردیبهشت
- 1400
- ساعت
- 16:5
- نوشته شده توسط
- یوسف اکبری
- شاعر:
-
کربلایی فخرالدین اسکندری
ارسال دیدگاه