هیچ زمان چیخماز یادیمدان کوچه نون هنگامه سی
ذهنیمون اولموش بیله برنامه تحصیلی بابا
یول کسن غداره بیر مرد شرور و بد سیر
گوردی بیر ایش گلمز حاشا بیرده تمثیلی بابا
سد راه ایتدی هوایه قوزانوب صاق پنجه سی
فوری بیلدوم قصد ایدوب بیر جور تحمیلی بابا
من ایاقیم پنجه سی اوستونده دوردوم سد اولام
صورتیندن تا آنامون دگمه سین سیلی بابا
هر نقدری سعی ایدوب بوی چکدیم آخر اولمادی
سیلی رد اولدی دگوب گل یوز اولوب نیلی بابا
دگجگین سیلی دولوب القانیله شهلا گوزی
دخت خاتمدن ایدوبلر بیله تجلیلی بابا
یاخچیدور فاش اولماسین قلبیمده گیزلین سریلر
بیر اشاره ایلورم سنلندی تحلیلی بابا
قوی دیوم بیر جمله ده زهرا ننم ئولدی ندن
باعثی میخ در اولدی قنفذ و سیلی بابا
- پنج شنبه
- 9
- اردیبهشت
- 1400
- ساعت
- 16:37
- نوشته شده توسط
- یوسف اکبری
- شاعر:
-
کربلایی فخرالدین اسکندری
ارسال دیدگاه