حَمدُ لِلَّه لطف حق بارش ده دی
گون تمام عشقیلن تابش ده دی
طبعیمون افسارینی آلدیم اله
هم قلم هم کاغذ آسایش ده دی
ایستورم اوج حقیقت دن یازام
تابش انوار رحمت دن یازام
عزمیمی جزم ایتموشم عقلیم قدر
شاهکار دست خلقت دن یازام
ایلورم عشقین یولون بوردان رصد
گورموشم بوردا کرامت بی عدد
سنده گر محتاج احسان اولموسان
صدق دیلدن سسله یا حیدر مدد
ماه شعبان دور خداوند قدیر
خالق هفت آسمان بی نظیر
شیعه نون پرونده ی اعمالینه
حضرت عباسه خاطر خط چکیر
سنده عاشق سن اگر احساسه گل
مشتری سن خاستگاه یاسه گل
آل نظرده مشکلاتون بیر به بیر
جشن میلاد آقام عباسه گل
وار یقینیم شیر داور بوردادی
مرتضی فتاح خیبر بوردادی
بورداچون عباس آدی تکریم اولور
شکی یوخ زهرای اطهر بوردادی
- شنبه
- 18
- اردیبهشت
- 1400
- ساعت
- 15:6
- نوشته شده توسط
- یوسف اکبری
- شاعر:
-
مرتضی اسکندری
ارسال دیدگاه