آی ابراهیمی اوتدان قورتاران
یعقوبی کنعان دان مصره آپاران
حضرت احمده گوندرن قرآن
باغیشلا آللهئم باغیشلا منی
زامان چکیر منی ظلمت چاغینا
غفلت دره سینه، گناه داغینا
آمما تامآرزیام جنت باغینا
باغیشلا آللهئم باغیشلا منی
آند اولسون شانیوه، جلالتیوه
گوزومی تیکمیشم ئوز رحمتیوه
آند وئرم سنی ئوز عزتیوه
باغیشلا آللهئم باغیشلا منی
قلبیمی دوغراییب پیچیر گوناهلار
ئوستومدن قاطار تک گئچیر گوناهلار
سوسوز باغلار تکین ایچیر گوناهلار
باغیشلا آللهئم باغیشلا منی
نئدندی ئورگیم چونوب اولوب داش
کاش بو گئجه منی ایسته سن، کاش
نفسیمه اجابت عطری توک یواش یواش
باغیشلا آللهئم باغیشلا منی
آی منی ازلده نوردان یارادان
چوخدور گوناهلاریم آماندیر آمان
توبه – بار الهی – توبه گوناهدان
باغیشلا آللهئم باغیشلا منی
- دوشنبه
- 20
- اردیبهشت
- 1400
- ساعت
- 20:2
- نوشته شده توسط
- یوسف اکبری
- شاعر:
-
ابراهیم قبله آرباطان
ارسال دیدگاه