دیواریلن قاپی آراسیندا قالان خانم
سیلی دینده، گوزلرینه قان دولان خانم
نیسگیل اولا کی قبره گئدیبسن جوان، خانم
پیغمبرین عزیزه سی، آی باغری قان خانم
گوزلر کور اولدی، گورمه دیلر باب عصمتی
سئندیردیلار ندندی حریم ولایتی
گویا قاپی سیزیلدادی؛ ائتدی بو صحبتی:
گلمه بو سمته، ایله حذر آی جوان خانم
گلسن اگر، اَل اوزمه لیسن روزگاریدن
مسمار دگسه، سن دوشه جاقسان قراریدن
محسن شهید اولار، قوتولار فانی داریدن
آی عصمتین نشانه سی، ای بی نشان خانم
: عرض اتدی وحی اوین چکه کیم نار ظلمته!
دونیا و آخرت چاتا بیلمز سعادته
حاشا کی ثانی اود ورا باب شفاعته
من بوتراب همسری ام، ناگران خانم
اود ووردولار یانیخ قاپینی نار دن سوروش
ای دل وفای یاری، فقط یاریدن سوروش
بیلمم نه اولدی، قصه نی مسماریدن سوروش
ناگه یخلدی توپراقا بیر باغری قان خانم
- چهارشنبه
- 22
- اردیبهشت
- 1400
- ساعت
- 15:50
- نوشته شده توسط
- یوسف اکبری
- شاعر:
-
ابراهیم قبله آرباطان
ارسال دیدگاه