بویانیب قانینه غلطان یئتیشیب
یوللارین خسته سی یولدان یئتیشیب
ای فدا مکتب و ایمانه شهید
ادّعاسیز بویانان قانه شهید
جان فدا ایله دون ایرانه شهید
بویانیب قانینه غلطان یئتیشیب
یوللارین خسته سی یولدان یئتیشیب
آند اولا نام نشانسیز لیغیزا
آند اولا خسته و یالقیز لیغیزا
قویماروخ روحیزی بیر آن داریخا
بویانیب قانینه غلطان یئتیشیب
یوللارین خسته سی یولدان یئتیشیب
آناز اولمادی ئورک داغلاماغا
آتاز اولمادی سینه داغلاماغا
باجیز اولمادی یارا باغلاماغا
بویانیب قانینه غلطان یئتیشیب
یوللارین خسته سی یولدان یئتیشیب
باش وئریبسیز اگر اسلامه شهید
یئتیشیب سیز نه گوزل کامه شهید
لای لای اول شاهد گمنامه شهید
بویانیب قانینه غلطان یئتیشیب
یوللارین خسته سی یولدان یئتیشیب
- چهارشنبه
- 22
- اردیبهشت
- 1400
- ساعت
- 15:53
- نوشته شده توسط
- یوسف اکبری
- شاعر:
-
ابراهیم قبله آرباطان
ارسال دیدگاه