آنا یا فاطمه گل! زهریله یاندی جگریم
دوشموشم بیر حالا کی، باشیمه دونیا دولانیر
اَلینی وئر اَلیمه تا ئورگیم دینجلسین
باشیمی آل دیزیوه، درد و غمیم بیللنسین
نه گوزلدی آناسیلا بالا نیسگیللنسین!
آناجان، من ئورگیمده بو تمنا دولانیر
دوشموشم بیر حالا کی باشیمه دونیا دولانیر
بو همان زهریدی کی، دوغرادی قلبِ حسنی
سونرا، سجادیله باقر آتامی؛ ایندی منی
انتظارم آنا یا فاطمه، هر لحظه سنی
گوزلریم سمت بقیعه، آنا زهرا دولانیر
دوشموشم بیر حالا کی باشیمه دونیا دولانیر
دوداغیم پارچالانیب رنگیم اولوب نیلی ننه
باشیمین ئوسته اوتور، اوخشاما منه؛ آغلا منه
منده قوربان ائلیوم جانیمی، مین دفعه سنه
باشیمین ئوسته ولی چرخ معلّا دولانیر
دوشموشم بیر حالا کی باشیمه دونیا دولانیر
- جمعه
- 24
- اردیبهشت
- 1400
- ساعت
- 21:10
- نوشته شده توسط
- یوسف اکبری
- شاعر:
-
ابراهیم قبله آرباطان
ارسال دیدگاه