نجه عشق عالمی دلبر سیز اولماز
نجه گنجینه‌لر گوهر سیز اولماز
نجیکی آسمان لا جوردی
قمر سیز ،شمس سیز، اختر سیز اولماز
نجه میدانه بیر زبده مبارز
گیدن وقته الی خنجر سیز اولماز
شریعتده نجه بیر فرد مومن
معاد و محشره باور سیز اولماز
تمام پیروان دین و مذهب
مراد و پیر و پیغمبر سیز اولماز
بو روشن امریدی کی مسند دین
ولی و حاکم و سرور سیز اولماز
قسم ذات کبیر ذوالجلاله
بهشتین باغلاری کوثر سیز اولماز
بو دوزدورکی اَرَضدور کل دنیا
ولیکن بو جهان جوهر سیز اولماز
اگر مین یول یارانسا کل خلقت
یقین میندن بیری حیدر سیز اولماز
و بیرده ای مسلمانان عالم
بیلون دار فنا محشر سیز اولماز
علی حقدور اودور کی یوم محشر
علینون دشمنی کیفر سیز اولماز
علی نقشه چکنده کربلایه
بویوردی ملک حق کشور سیز اولماز
حسینیم آی منیم آزاده اوغلوم
هدایت کشتی‌سی لنگر سیز اولماز
سپاه غیرتی آماده ایله
کی حقین دولتی لشکر سیز اولماز
ئوزون بو لشکری ایله هدایت
شهادت نهضتی رهبر سیز اولماز
قیزیل قاندان باشا قوی تاج عزّت
شهنشاه ولا افسر سیز اولماز
- یکشنبه
- 26
- اردیبهشت
- 1400
- ساعت
- 22:6
- نوشته شده توسط
- یوسف اکبری
- شاعر:
-
غفور رجبی اردبیلی
ارسال دیدگاه