یا ربّی بوشدور اللریم
خیریمدن چوخدی شریم
من بخل و کینه دن دولی
سن اما ربِّ کریم
سن سیز یوخ باشقا بیر کسیم
ای یار و دادرسیم
یاندی قلبیم گناهیدن
وار توبیه هوسیم
ای خالق ارض و سما
ای قادر هر دو سرا
گلدی رمضان کریم
منده گلورم قاپوا
یانوبدی قلب مضطریم شکسته ام الله
قبول ایله بو توبه نی که خسته ام الله
ماه غفران گلوب گینه
باب رحمت آچیلوب
عرش و فرش اوسته یکسره
عطر جنّت یایلوب
یاربّنا ارحم لنا
سسلر هر لحظه دیلیم
اغفر لنا ذنوبنا
رحم ایله بوشدور الیم
ای نور رسا و جلی
ای غافر لم یزلی
عفو ایله گنه لریمی
عفو ایله به حقّ علی
یانوبدی قلب مضطریم شکسته ام الله
قبول ایله بو توبه نی که خسته ام الله
الغوث الغوث و الامان
یا منّان مستحقم
عمروم خطّ گناهیلن
سرتاسر اولدی رقم
ای کان بخشش و سخا
نالایق بنده گلوب
اقرار ایلور گناهینه
زار و شرمنده گلوب
رحم ایله بو مستحقه
پیشانی ده باخ عرقه
زهرایه گوره منه ویر
ماه رمضان صدقه
یانوبدی قلب مضطریم شکسته ام الله
قبول ایله بو توبه نی که خسته ام الله
ای خوان حشمتی آچوخ
بو آیدا هر بشره
باران رحمتی یاغان
هر لحظه خشک و تره
سن نور مطلق ای خدا
من ظلمت مظهری ام
بی جا اولماز بو عرصه ده
خجلتدن گر ارییَم
سن واحد پرده نشین
سن خالق عرش و زمین
عفو ایله به حق حسن
رحم ایله به حق حسین
یانوبدی قلب مضطریم شکسته ام الله
قبول ایله بو توبه نی که خسته ام الله
- سه شنبه
- 28
- اردیبهشت
- 1400
- ساعت
- 13:51
- نوشته شده توسط
- یوسف اکبری
- شاعر:
-
جهان سلیمانی
ارسال دیدگاه