اِبن عباس ئوزی نَقل ایلیوری بوخبری
بو موثَّق خبرین اهل دِله وار اثری
گجه نون وقتی دیورقصدزیارت ائلدیم
کعبهءحَقّه گئدوب حَقّی عبادت ائلدیم
یاتیشوب یان یانا زَوّار قَرانلوقدی حَرم
حِجراسماعیله ساری دولانوب گِئتدیم اودَم
سجده حالینده بیرین گوردوم ائدور رازونیاز
اَل آچوب ساحَت قُدسه سوزی پُرسوزوگُداز
دیور ای حِکمتیله کون و مکانی یارادان
خوشدی بویرده اگرگِئتسه حِجابات آرادان
قفس جسمیده آخرده بو جانیم سیخیلار
بیر گونی بوبدنیم بستر موتَه یخیلار
ناامید اوندا مُعالجدن اولار باخسا طبیب
خوفیدن تَر بوریَر کیمدی منه اونداحبیب
نه آتام وارباشیمون اوسته اِلهی نه آنا
چاره سیزاهل وعیالیم گرک هجریمده یانا
باراِلها منه رحم ائت اوچتین ساعت ئوزون
اَلی بوش بنده نون اول لحظه که باغلالاگوزون
اونداکه پیکریمی ائل آپارارقَبره طرف
دعوت ایلله هامی بیربیرینی صَبره طرف
کفن ودَفنیم قوتارار مَن لَحدآلتدا یاتارام
قاره تپراقه اوگون جسمیمی آخر قاتارام
قِیدَر قوم وقَبیلم هامی کاشانه سینه
مُهر پایان ورولار عُمریمون افسانه سینه
غُربت قبریده اولمازبیری فریادرَسیم
یوخدی سندنصورا یارب بیلورم دادرَسیم
باراِلها اویامان گونده منیم دادیمه چات
گوزیاشیم قیمتینه رَحمووِی یارب منه سات
اِبن عباس دیور سوز منه تَاثیر ائلدی
ذِهنی مَعطوف ئوزونه نالهء شَبگیرائلدی
دیزیمون اوسته باشین آلدیم اونون رَافَتیلن
تاکه صحبت ائلیم منده بو خوش سیرتیلن
ساتاشوب اونداگوزوم آی ایشیقیندایوزونه
سوزوم آغزیمدا قالوب باخدیم اوزیباگوزونه
گوردوم اول ناله ائدن سیّد سَجّاد ئوزودی
نِهضت کرب وبلانون ایکی آغلار گوزودی
دئدیم ای بَند دلِ حضرت شاه شهدا
سن امام اوغلی امامَه بِله شیون نَه روا
ماخَلَق اِذن حَقیله آلوری سیزدن حَیات
ایکی دنیاده قاپوزدی هامیا باب نَجات
اِئتدی فرمایش اوحضرت مَحَکی سانما بِله
پانبوقا بَنزوری ایمان اونی تاپشورما یِله
تُپراق آلتیندا سوروشمازلا ئولنلَر نَسَبین
یا مقاماتیلَرین یا بیرینون اُمُّ و اَبین
اوردا خیروشَر اعماله مُحاسب گَله جک
هرکیمون اولسااگرخیرعملی دینجلَه جک
(نادرا)نامه ی اعمالووَه گَر رب جلیل
عدلیله باخسا اولارسان اویامان گونده ذَلیل
- جمعه
- 11
- تیر
- 1400
- ساعت
- 17:49
- نوشته شده توسط
- یوسف اکبری
- شاعر:
-
حاج نادر بابایی
ارسال دیدگاه