گیینر قامتینه قاره جوان اوغلی اولن
غم الیندن قالار آواره جوان اوغلی اولن
الی قوینینده دلینده بالا وای زمزمه سی
آختارار دردینه بیر چاره جوان اوغلی اولن
چاره سیز دردینه چاره تاپا بیلمز هی الر
قان اولان اشکینی رخساره جوان اوغلی اولن
آلار اطرافینی ایل ؛ طایفه دردی آزالار
وار نیازی بیله دیداره جوان اوغلی اولن
بالامون بزم عزاسینده شریک غم اولان
گلر حتما بله گفتاره جوان اوغلی اولن
بیر بیله غملو چاقمدا منی سیز یاد ایله دوز
وار اورگیمده دیر یاره جوان اوغلی اولن
واردی بیر آیری جوان اوغلی اولننن خبریم
یاز قلم نیلدی بیچاره جوان اوغلی اولن
راوی نقل ایلوری گوردوم دیزی اوسته سورونور
ایله محزونیدی مهپاره جوان اوغلی اولن
یدی قدم اولاریدی یتیشه اکبرینه
پیکرین گوردیکی صدپاره جوان اوغلی اولن
بیله دنیا دیدی سندن سورا خوار اولسون علی
نجه دوزسون اورگی یاره جوان اوغلی اولن
یتیشیبدور بالا بالینینه بیچاره آتا
اوزونی دوتدی اوسرداره جوان اوغلی اولن
القرض سردی عباسین یره شاه شهدا
امر ادیب اوندا علمداره جوان اوغلی اولن
گل اخا دوغرانان اعضانی خیامه آپاراق
نه سوزی وار دیه قزلاره جوان اوغلی اولن
الی قوینیده دوروب گوزلیور الان یولونی
خیمده بختی ، گونی قاره جوان اوغلی اولن
(لطفیا) اولماسون هیچ اوغلی اولن دنیاده
گلر حتما بیله گفتاره جوان اوغلی اولن
- چهارشنبه
- 29
- اردیبهشت
- 1400
- ساعت
- 21:50
- نوشته شده توسط
- یوسف اکبری
- شاعر:
-
ناشناس ؟؟؟
ارسال دیدگاه