سقانی آتدان یخدی قوم کینه قارداش
آماج اولوب تیر بلایه سینه قارداش
گویلون گر ایستر زهرانی تیزگل
ایلور طبا بت سقانی تیز گل
گل پرچم غیرت الیمدن دوشدی قارداش
مشکیم جالاندی گوزلریمه دولدی قان یاش
اون یدّی جلادین الینده قالدی بیر باش
گوردی ایشین بو کینه ی دیرینه قارداش
شاهنشه بی لشکریم گل یاتدی پرچم
قولسوز گوروب عباسی قانه باتدی پرچم
قانه باتاندا دشمنی آغلاتدی پرچم
گیتدی الیمدن ویردیگون گنجینه قارداش
درد و بلاوی خسته جانه آلموشام گل
قولاریمی یولدا علامت سالموشام گل
اون یدی جلادین الینده قالموشام گل
نفرین اولا بو قوم بد آئینه قارداش
پرچم دوتان بازولره گوز ووردی دشمن
قولسوز گوروب عباسیوی سیندیردی دشمن
مشکیمه اوخ ووردی منی یاندیردی دشمن
گل چاره قیل بو لشکر بی دینه قارداش
قیزلاریوه سو قولی ویرمشدیم ازلدن
دوشدوم دالی حی علی خیرالعملدن
گل آل یارالی پیکری قوم دغلدن
روباهیلر ال تاپدیلار شاهینه قارداش
ای بی سرو سامانلارون مولاسی تیز گل
زخم زبانلار ئولدورور عباسی تیز گل
دوشدی الیندن خنجر الماسی تیز گل
ایله توسل صاحب یاسینه قارداش
- چهارشنبه
- 29
- اردیبهشت
- 1400
- ساعت
- 23:5
- نوشته شده توسط
- یوسف اکبری
- شاعر:
-
مرتضی اسکندری
ارسال دیدگاه