شمشیرینی آلدی اله ابالفضل
گلدی او قانلی مقتله ابالفضل
الده قانلی علم سسلنور دمبدم
اِنّی ابالفضل (٢)
سسلندی من جانباز راه دینم
سر لشگر اردوی مسلمینم
شاگرد دست میر مومنینم
یالوارماز هرگز باطله ابالفضل
لرزه وجود اشقیایه سالدی
بیر حمله ده نهر فراتی آلدی
اخیامیدن احسن سسی اوجالدی
چاتدی مرادی حاصله ابالفضل
من صاحب اجلال بی نظیرم
شیر اوغلیام دعواده مثل شیرم
یتمیش ایکی شیر نره امیرم
روباهی قویماز دینجله ابالفضل
آند اولسون عشق شاه لافتایه
سالار دین سلطان کربلایه
هرکیم گله جنگه دوشر بلایه
صحرایه سالدی ولوله ابالفضل
هارداقالوب ری ملکینون اسیری
آچسون بلیندن جامه ی حریری
جنگه گلوب سلطان دین وزیری
باخماز سپاه اَرزَله ابالفضل
هرکس که سقانون سسون اشیتدی
جانون گوتوردی عرصه دن قییتدی
کیم قالدی طوفان بلاده ایتدی
خاکسترون ویردی یله ابالفضل
هرکس اونیلا روبه رو دایاندی
رنگ جمالی قورخودان دولاندی
یا باشی گیتدی یا قانا بویاندی
دوندردی گوز یاشین سیله ابالفضل
- پنج شنبه
- 30
- اردیبهشت
- 1400
- ساعت
- 17:40
- نوشته شده توسط
- یوسف اکبری
- شاعر:
-
مرتضی اسکندری
ارسال دیدگاه