دوشوبدی باشیمه یاران هوای حضرت صادق
تمام دار و نداریم فدای حضرت صادق
نه وار طلایه نیازیم نه عاشق زر و زورم
خوشام اسور باشیم اوسته لوای حضرت صادق
محال امریدی طبعیم یازا بو شعر نفیسی
اولوبدی شامل حالیم دعای حضرت صادق
نولاردی یارب اولایدیم یاناندا درگه مولا
دوشیدی جانیمه درد و بلای حضرت صادق
نقدری گلسه بلا حقون اوسته مشتریم من
مگر رضا اولا مندن خدای حضرت صادق
مریض عشق حسینم طبیبه یوخدی نیازیم
ویروب بودرسی منه ((من بَکا))ی حضرت صادق
عصای حضرت موسی مگر بولردی او نیلی
یقین یاروبدی او نهری عصای حضرت صادق
شفا ویروب اگر عیسی مریض صعب العلاجه
ویروب شفاسینی دار الشفای حضرت صادق
مین اوچ یوز ایلدی ملک لر آلوبلا دور بقیعی
اولوبدی ایشلری حمد و ثنای حضرت صادق
- چهارشنبه
- 5
- خرداد
- 1400
- ساعت
- 21:37
- نوشته شده توسط
- یوسف اکبری
- شاعر:
-
مرتضی اسکندری
ارسال دیدگاه