حسین سروردی دنیایه حسین لبیک آقام لبیک
حسین زینتدی زهرایه حسین لبیک آقام لبیک
حسین محبوب ایزددی حسین ممدوح احمددی
حسین سالار سرمددی کرامت ده سرآمددی
حسین دریای بی حددی کرمدور جزریلن مددی
حسینون دشمنی دددی نه دد ابلیس دن بددی
دئمه وهّابیلر سوئلور بو نه قبر و نه گنبددی
بهشت عدنی دنیانین همان ششگوشه مرقددی
یازار عیسیٰ کلیسایه حسین لبیک آقام لبیک
سسون قوش سنده عیسایه حسین لبیک آقام لبیک
حسینسیز مکتب دین ده بوتون استاد لر رددی
جهان ایجاد اولان گونّن حسین امجاده امجددی
حسین قرآن مُنزَلدی بو سوزلر الفِ ابجددی
امامدور نسل در نسلی نبی دور جدّ در جددی
حسینسیز زندگی زندان حسینسیز بندگی عصیان
حسینون خاک نعلینی زُمرّد دی زَبَرجد دی
اوشاهه یوخدی همپایه حسین لبیک آقام لبیک
سلام اولسون او مولایه حسین لبیک آقام لبیک
حسینسیز وارد بیت الحرام اولماق حرام ایشدی
حسینسیز حاجب کعبه حریم حق دن ابعد دی
تمام عشق لر گر نقطه یِ ریز اولسا عالمده
مسیر وصلیده عشق حسینی خط ممتددی
که یعنی کیم بو خط دن چخسا مأواسی جهنمدی
بو خطّه ابتدا و انتها خلد مخلّد دی
یازوبلار باغ طوبایه حسین لبیک آقام لبیک
بو سوز ازبردی حورایه حسین لبیک آقام لبیک
اگر نور اولسا صالح لر حسین نور مشدّددی
حسینسیز دین و ایماننان دئمک شرک مجدّددی
حسینسیز قرآنی تبلیغ ائدنلر دوز یولا سد دی
حسین قانه باتان ساعت بوکولدی قرآنون قد دی
حسینون رگلری سوره حسینون قانلاری آیه
بونون هر عضوی بیر جزو و بو قرآن مجلّددی
شهنشه دور احبّایه حسین لبیک آقام لبیک
گلوب شأنینده چوخ آیه حسین لبیک آقام لبیک
الینّن کیم ئوپور اول گرکدور دستماز آلسون
آدیندا بی وضو لمس ایلمگ جرم مُسوّددی
حسینسیز نخبه جاهلدی حسینسیز خبره غافلدی
حسینسیز شاه سائلدی حسینسیز شیخ مرتددی
حسینسیز رتبه ذلّتدی حسینسیز دین ضلالتدی
حسینسیز سجده بدعتدی حسین مبنای معبددی
بوسوز ذکر اولدی موسایه حسین لبیک آقام لبیک
چیخاندا طور سینایه حسین لبیک آقام لبیک
بونون ملکی فلکلردی جلوداری ملکلردی
بونون قصری اورکلردی حسین مبدأدی مقصددی
حسینون وصفی چوخدی منده لیکن معرفت یوخدی
بیر آزدا (عُلیوی)فاش ائتمگه سرّی مقیّددی
حسینون دولتی برپا اولار یاتماز قرا پرچم
اونی احیا ائدن شه قائم آل محمّد دی
یازیلمیش عرش اعلایه حسین لبیک آقام لبیک
سسون قوش اهل معنایه حسین لبیک آقام لبیک
- چهارشنبه
- 5
- خرداد
- 1400
- ساعت
- 22:11
- نوشته شده توسط
- یوسف اکبری
- شاعر:
-
ناشناس ؟؟؟
ارسال دیدگاه