اوشاقلیقیمدان ئورک اولدی مبتلای حسن
یازوبدی سینمه خالق بودور گدای حسن
ایکی گوزوم وار اگر فاطمه قبول ائلسه
بیری فدای حسین دور بیری فدای حسن
محال امریدی شمشادیلر چاتا قدینه
ستون دین خدادور قد رسای حسن
داریخما شیعه گلر بیر گونی امام زمان
بقیعه جلوه ویرر گنبد طلای حسن
کریمون اوغلی کریمه توسل ایلموشم
اودور که حالیمه شامل اولوب دعای حسن
قیامتون گونی باشلار ایچینده باش اوجادار
او باش که اولسا بودنیاده آشنای حسن
بهشتی زاهده ویر من فقط بو امره خوشام
اثر قویا گوزومون اوسته رد پای حسن
او دردلرین که بو عالمده یوخدی درمانی
شفا ویرر هاموسون نام دلربای حسن
- جمعه
- 7
- خرداد
- 1400
- ساعت
- 16:38
- نوشته شده توسط
- یوسف اکبری
- شاعر:
-
مرتضی اسکندری
ارسال دیدگاه