شاهین ، هوای اوج ائلینمز ، پَر اولماسا
عنقا نه نوعی قافه چیخار شهپر اولماسا
الدور حوادثاتِ بدندن دفاع ائدن
فکر ائت بدن نه حال دوشر اللر اولماسا
دعواده لشگرین گوزین سر لشگر آختارور
سرلشگرین علاجی ندور لشگر اولماسا
من بو منای عشقیده دینون فداسیم
آزاده امتحان وئررم یاور اولماسا
من کاروان عشق بو صحراده رهبرم
چاتماز مراده قافله گر رهبر اولماسا
الدن آلوبلا خنجریمی، قولاًریم دوشوب
کیم سو وئرر بو خنجریمه خنجر اولماسا
من تشنه ی وصال حسینم سو نینورم
آب فراتی ایستمرم کوثر اولماسا
- یکشنبه
- 9
- خرداد
- 1400
- ساعت
- 16:48
- نوشته شده توسط
- یوسف اکبری
ارسال دیدگاه