• پنج شنبه 9 فروردین 03

میرزا حسین کریمی مراغه ای

پندیات و مدح حضرت علی(ع) -(سوزون ارزشين بول اوجوز خشلمه)

496

سوزون ارزشين بول اوجوز خشلمه 
عبوس اولما چوخ ياتما چوخ ايشلمه 

طويون طوي سوزي وار ياسين ياس سوزی 
قولاقونده گوشواره تک آس سوزی

حيا ائت قاريشديرما خيري،شری
ملک لر  سنی ائتمه سین مسخره 

اوتوز رنگه دوشمه مسلمان کيمي 
بيرين انتخاب ايله سلمان کيمي 

تواضعده خورشید تابنده اول 
فضول اولما الله سوؤن بنده اول 

همي نوريوي ساچ اوجا داغلارا 
همی فیض وئر میوه لی باغلارا 

همی جلوه آرتير قزيل گنبده 
دوشن مسجده هم سريل معبده 

تواضعده فرق ايلمز آي گونه 
دوشر هم گلستانه هم گلخنه 

تواضع بیاموز از آفتاب
به آباد و ويرانه هر جا بتاب 

بش اون گون قوناقسان بو ميخانه ده
ادب گوزله هر نوش پیمانه ده

بوراخ   افتضاحات    مستانه ني 
ووروب داشه سينديرما پیمانه ني

سنه جان وئرن وقته جان آفرین 
ديوب مرحبا احسن الخالقین

مراعات ائله از ازل تا اجل 
مبادا کالانعام بٔل هُم اضٔلّٔ

وورولما مخالف وئرن مودلارا 
ئوزون سالما ذلّتلره اودلارا 

علی تک گوزل رهبرون وار سنون 
چاغير یا علی حيدرون وار سنون 

علی شیعه سی اشتباه ايلمز 
عليدن اوتانسا گناه ايلمز 

منه ائت کرم   نوکرم یا علی
همیشه سنی   سسلرم یا علی 

  • یکشنبه
  • 9
  • خرداد
  • 1400
  • ساعت
  • 17:36
  • نوشته شده توسط
  • یوسف اکبری

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران