بو دیار غم افزادي زینب
کربلاي معلاّدی زینب
صبر ايله هر غم و ابتلايه
بوردا باشون دوشر چوخ بلايه
نینوا خوشدي نی تک نوايه
نور حق بوردا پيدادي زینب
سن که اورگنموسن آه و وايه
عادت ايتمش باشون چوخ قرايه
باخ بو تلله قولاق ویر نوايه
نالهٔ وا حسينادي زینب
سن منيم عزت و افتخاريم
غم شريکي آنا يادگاريم
غم گونی مهربان غمگساريم
حوصله سنده دريادي زینب
بوردا خندان اولار لاله زاریم
قانله اسلانار گل عذاريم
عرش تک آلتي گوشه مزاريم
اهل عشقه تمنّادي زینب
کربلايه باجی بانيم من
بو يرين تشنه قربانيم من
نينوانين سليمانيم من
گمشدم بوردا پيدادي زینب
من بو دشت غمه آشنايم
هر قضا گلسه بوردا رضايم
عاشقم عاشق کربلايم
کربلا عشقه مأوادي زینب
با صفادور بو دشتين بهاری
بوردا جاريدي قان جویباری
سينمون اوسته اصغر مزاری
خوش مدال دل آرادي زینب
بو ديارين آدي کربلادي
کربلا مرکز هر بلادي
کربلا کلبه دن با صفادي
کربلا طور سينادي زینب
بوردا دشمن يخار کاخ دینی
بوردا قانه بويالار حسینی
دوغرانار فاطمه نور عینی
مذبح سبط طاهادي زینب
گوز ياشين توک "کريمي" عذاره
اشکيله توشه گوندر مزاره
مجلس غمده گل آه و زاره
قیمت اشگه دانادي زینب
- یکشنبه
- 9
- خرداد
- 1400
- ساعت
- 20:58
- نوشته شده توسط
- یوسف اکبری
ارسال دیدگاه