گلون گلون گُهر جاودانه دفن اولدی
دلیل چرخش چرخ زمانه دفن اولدی
نگار حیدر کرار ترک یار ائلدی
تراب تیره ده کنز یگانه دفن اولدی
بولوطدا، آیدا قرا گیدی عرش اعلاده
الیکی یار علی یانه یانه دفن اولدی
گویون ستاره لری دوشدولر درخششدن
همان دقیقه کی اول نازدانه دفن اولدی
زبسکی عاشقیدور فاطمه عم اوغلوسینا
اودور گجه یاریسی عاشقانه دفن اولدی
مدینه کوچه لرینده سکوت مطلقیدی
اودم کی خلقت دهره بهانه دفن اولدی
جنازه حمل اولوناندا دالیجا ذکر اوخونار
خانیم بدون صدا مخفیانه دفن اولدی
نشان قویاللا بیرین دفن ائدنده مرقدینه
نشان ختم رُسُل بی نشانه دفن اولدی
اگر بیری گجه ده ئولسه دفنی گوندوز اولار
ندن عزیز پیمبر شبانه دفن اولدی
بتوله مجلس ترحیمیده قویانمادیلار
بیری گتیرمدی دردین زبانه دفن اولدی
یئری بگنمدی چون روحی آسمانیدور
اوچوبدی روحی دل آسمانه، دفن اولدی
قابیرقا یاره لی ، بیر قول سینیق، اورک یارالی
بقیعده قوش تک ائدوب آشیانه، دفن اولدی
(سرابی) فاطمه نون آچما سّر پنهانین
دنن کی دوندی بهاری خزانه دفن اولدی
- سه شنبه
- 11
- خرداد
- 1400
- ساعت
- 16:44
- نوشته شده توسط
- یوسف اکبری
- شاعر:
-
اصغر سرابی
ارسال دیدگاه