گل آچیبدور گینه گلزار علی
گرم اولوب عشقیله بازار علی
زینب اولدی متولد آنادان
اونی زیبا یارادیبدور یارادان
گوئیا آی بولونوبدور آرادان
مرتضا گاه باخور زینبینه
گه باخور همسرخندان لبینه
بسکی مسروریدی سلطان جهان
دولدوروب قلبینی شور و هیجان
ائوین آباد دییور فاطمه جان
عرشیده غبطه ییور آی قیزووا
گتیرنمز ننه لر تای قیزووا
- سه شنبه
- ۱۱
- خرداد
- ۱۴۰۰
- ساعت
- ۱۶:۵۵
- نوشته شده توسط
- یوسف اکبری
- شاعر:
-
اصغر سرابی
ارسال دیدگاه