الا ای ساقی عطشان لب دشت بلا عباس
سنی تایید ائدیبدور زاده‌ی خیرالنسا عباس
قالوب حسرتده آی بوسه ویرا زیبا جبینوندن
ائدوب اولدوزلاری عشقون سماده مبتلا عباس
سنون تک نابغه خلقتده تکرار اولمیوب اولماز
ادب سبقت دوتانماز محضروندن مطلقا عباس
وفا درس وفانی سندن آلدی قانلی میداندا
سویوشدون مرز ایثار و وفانی با وفا عباس
امان نامه گلنده خیمه لرده همهمه دوشدی
چوخی سویلوردی شاهیندن اولار شاید جدا عباس
خیال ایلوردیلرکی آللانار وعده وعیدیله
مقام و منصبه خاطر ائدر عمرین فنا عباس
گوز آلتی باخدی بیر غیظیله شمره نامه سین جیردی
بویوردی پور زهرایه ائدر جانین فدا عباس
امان نامه جیراندا بیلدیلر سنده نه غیرت وار
اوجالدی بیر خانمدان نغمه‌ی صد مرحبا عباس
جانیم‌قربان‌دئدی سیندرمادون قارداشیوی قارداش
رموز عشقه ائتدون بو غریبی آشنا قارداش
الیمده چاره اولسیدی سنه قربان کسردیم من
قالوب ایثاریوه حیران زمین کربلا عباس
سیغیشماز قالب اشعاریده زیبنده اوصافون
ائدنمز عشقیده بیر کس سنون تک ادعا عباس
اگر امکانی اولسا یوز دولاندیر قبلیه ساری
الون قالخیزگوگه قیل زینبی بیر یول دعا عباس
اوتوز دورد ایلدی نذریم وار قالوب بوینومدا دلگیرم
ئوپوش ور گوزلروندن تا اولا نذریم ادا عباس
- سه شنبه
- 11
- خرداد
- 1400
- ساعت
- 17:0
- نوشته شده توسط
- یوسف اکبری
- شاعر:
-
اصغر سرابی
ارسال دیدگاه