ای منزّه پاکسن نه نسبتون وار خاکیله
کُنهِ ذاتون کشف اولونماز فکریله ادراکیله
لیک لطفون آیِنه ایتدی دلی مین نازیله
بو سبب دن مونس اولموش خاکِ دل افلاکیله
قیس تک چوخدور امیدیم بلکه بیر رویون گورم
سیر ایدم سرگشته مجنون تک سرِ کویون گورم
وعده ویردون وصلیوی، هرگز دگل وعدن خلاف
بیر نولور وصل عالمی جان چخمامیش سورون گورم
بار الها من دیمم مقداد و سلمان ایت منی
ابن سینا و فَلاطون یا که لقمان ایت منی
آند ویرّم حقّیوه بیرده نبی نین حقّینه
رحم ایله ای مهربان بیر طُرفَه انسان ایت منی
بو جهالت اُلدورور، گویا که من جان اوستیَم
ظلم نفسیمدن کَأنَّهْ بام ویران اوستیم
لطفیله بو ظلم و جهلیمدن رها ایتسن منی_
من همان عبد بلا'یم، عهد و پیمان اوستیم
عزّتیم شأنیم وقاریم هم نگاریمسن منیم
عالمی طوفان توتا دریاده یاریمسن منیم
یولّویوبسان بیر گمی، اولسون نجاتِ عالمین
سویلویوبسن دوشمه غرق اولما مهاریمسن منیم
ای بیله کشتی و سکّانداره جان قربان اولا
بیله کشتینی ویروبسن خلقه پشتیبان اولا
کشتی دریای رحمت لنگر عالم حسین
جانینه جانلار فدا، قربان اونا امکان اولا
مُلهم غیبی دیور ترک خلائق ایتگیلن
جمله ابواب جفادور، بابِ جوری نیلیسن؟
خیر مطلق بیر خدادور بیر خدای ذوالمنَن
گر مسبِّب اولماسا، اولماز سبب بیر مرد و زن
- چهارشنبه
- 12
- خرداد
- 1400
- ساعت
- 17:22
- نوشته شده توسط
- یوسف اکبری
- شاعر:
-
مختار وطن پرست
ارسال دیدگاه