شانلی گلوم لاله عذاریم آنا
مین یاشا ای باغ و بهاریم آنا
یوخ، دیمرم گل سنه، گل تئز سولار
گل لرین عالمده خزانی اولار
عاطفه نین کانی محبت یمی
یول دلیوه تاپماسین هیچ بیر غمی
هر نه دیسم شانوه آزدور آنا
قطره بالا، چونکه آرازدور آنا
مرد اولا عورت اولا یا شاه اولا
جاهل اولا یا که دل آگاه اولا
امر ایدوب الله سنه خدمت ایده
خدمتوی مایهء عزت ایده
حضرت پیغمبر اکرم دیدی-
عالمه اول مفخر آدم دیدی: -
جنّت الاَعلانی خدای عَلا
سردی سنون مقدموه ای آنا
جنت رضوانی اگر ایستسن
ایله گلستانی اگر ایستسن
دوش آناوین مقدمینی بوس ایله
گل ایاقین لبلره ملموس ایله
حق ایله بیر جنّتی گور نیلدی
گتدی او باغی سنه فرش ایلدی
عالم اولوب شانوه حیران آنا
جانلار اولا جانیوه قربان آنا
عمر اوزوگوم سنله (نگینین) تاپوب
شاهنی ایمانینی دینین تاپوب
عمروم اولا مین ایل اگر صبح و شام
هر گجه گوندوز سنه اولّام غلام
- چهارشنبه
- 12
- خرداد
- 1400
- ساعت
- 17:42
- نوشته شده توسط
- یوسف اکبری
- شاعر:
-
مختار وطن پرست
ارسال دیدگاه