ارزش انسان بیلینمز الده مقیاس اولماسا
پیکر بی جانه بنذر کیمده احساس اولماسا
عالمی ایلر جهنم کج روش اندیشه لر
جنته دنیا دونر افکار خناس اولماسا
خلقت عالم گوزلدور عالم امکانیده
عطر یاس اولماز مسلمدور گل یاس اولماسا
عالم خلقتده هر بیر صنعتین ابزاری وار
شیشه نی دوز کسمگ اولماز سنگ الماس اولماسا
مطمئنا دهریده عقباسینی ایلر خراب
هر کیم عمرونده مسلم دینه حساس اولماسا
دینه خاطردی حسین بن علی ائتدی قیام
نهضتی پاینده قالماز مجلس یاس اولماسا
یغدی باشه کربلاده جان به کف عاشقلرین
یوخ علمداری گوروب نهضتده عباس اولماسا
دلده کی اندیشه سین عباسه اظهار ایلدی
پرچمین وئردی ابالفضلین علمدار ایلدی
ظهر عاشور بلا هنگامه ظلم و ستم
پرچمین گوتدی ابالفضل ایلدی قدین علم
گوردی یالقیزدی حسین بن علی میر هدا
یار و انصاری ئولوبدور قلبینی دوتموش الم
پور حیدر خیمیه شاهنشه قویدی قدم
عرض ائدوب بعد از سلام ای معدن جود و کرم
نه روا اخیامیدن افغان اوجالسون گویلره
اهل بیتین گوزلری غم غصه دن اولسونلا نم
رزمگاه عشقیده جنگ ائتمگه آمادیم
سن اگر وئرسن اجازه عرصیه قویسام قدم
یکسره دشمنلری شمشیره مهمان ایلرم
وار یئری هر تک تکین ائتسم دچار درد و غم
یا دئسن دشمنلرون سر کرده سی اولسون اسیر
باغلارام قولارینی شمر و عمر سعدین اودم
قولاری باغلی حضورینده دایاندیرام حسین
ئوز قباقینده دئسن گردنلرین وورام حسین
ائتدی فرمایش حسین صبر ایله ای یاریم دایان
غیرتون قربانیم یار و مددکاریم دایان
قیزلاریم سوز عطشدن اودلانوبلار عیبی یوخ
جانیوه قربان اولا لب تشنه قیزلاریم دایان
گلمیشوخ دشت بلایه دینی احیا ایلیاق
آگه اول بو مطلبه سن سن علمداریم دایان
عرصه گاهی دشمنه تنگ ایلمه رزم آوریمش
گرچه وار دشمن الیندن درد بسیاریم دایان
وار سنه داده سوزوم صبر ایله اظهار ایلیوم
قالماسون غملی ئورکده غملی گفتاریم دایان
لشکری چوخ قیرما یولاردا وورالار زینبی
ای اولان غملی گونومده یار و غمخواریم دایان
اولسا امکانون اگر بیر چاره قیل عطشانلارا
آز قالور سولسون سوسوزدان تشنه گلزاریم دایان
قول بویون اولدی امامیلن غرض عطشان وزیر
آیریلوب اخیامیدن میدانه گلدی همچو شیر
مرکز میداندا ائتدی لشکر کفره نظر
زاده حیدر امیر لشکر اول صاحب هنر
ئوز دوتوبدور لشکره دشمنلرین ائتدی خطاب
گلمیشم سو آلماقا ای لشکر کینه سیر
گلمیشوخ دشت بلایه دینی زنده ساخلیاق
آگه اول بو مطلبه سن سن علمداریم دایان
عرصه گاهی دشمنه تنگ ایلمه ای یاوریم
گرچه وار دشمن الیندن درد بسیاریم دایان
وار سنه دیلده سوزوم صبر ایله اظهار ایلیوم
قالماسون غملی ئورکده غملی گفتاریم دایان
لشکری ئولدورمه قارداش ئولدورلر زینبی
ای اولان غملی گونومده یار و غمخواریم دایان
اولسا امکانون اگر بیر چاره قیل عطشانلارا
آز قالور سولسون سوسوزدان تشنه گلزاریم دایان
قول بویون اولدی امامیلن غرض عطشان وزیر
آیریلوب اخیامیدن میدانه گئتدی همچو شیر
مرکز میداندا ائتدی لشکر کفره نظر
زاده حیدر امیر لشکر اول صاحب هنر
ئوز دوتوبدور لشکره دشمنلرین ائتدی خطاب
گلمیشم سو آلماقا ای لشکر کینه سیر
- پنج شنبه
- 13
- خرداد
- 1400
- ساعت
- 17:50
- نوشته شده توسط
- یوسف اکبری
- شاعر:
-
رحیم سلمانزاده
ارسال دیدگاه