دایان ای تیر روان اولما دایان
قال کمانینده عیان اولما دایان
آلت دست زمان اولما دایان
اولما مجذوب شیاطین گؤزونه
باخما اشرار زمانین سؤزونه
یولا دوشسن دوشه جک عرشه نوا
یاغاجاق باشیمه باران بلا
خطره دوشسه اگر مشک و لوا
باغ ایثارده گل درمه لییم
مشکه گوز ٬ پرچمه قول وئرملییم
سن بیر اوخسان دگه جکسن بیرینه
دوشموسن اهل عناد اللرینه
گؤزوم آماج ائله مشکون یئرینه
مشکه دگسن هدفیم برهم اولار
شان سقای حرمدن کم اولار
گؤرورم مشکی نشان ایله میسن
پرچمون قلبینی قان ایله میسن
سن بو سوداده زیان ایله میسن
جان فدا ایلییرم دلبریمه
شهپرین دگسه اگر شهپریمه
عترت اللهه اهانت ائله مه
مشک امانتدی خیانت ائله مه
منی بو دمده خجالت ائله مه
باغبانم سارالان گل چمنه
بو سویون قطره سی ٬ دنیادی منه
- پنج شنبه
- 9
- اردیبهشت
- 1400
- ساعت
- 16:39
- نوشته شده توسط
- یوسف اکبری
- شاعر:
-
ابوالفضل عباسی معروفان
ارسال دیدگاه