اَوَّلده تمام انبیایه صلوات
آللاه حبیبی مصطفایه صلوات
گوندردی خدا اوزی ملائک باهم
قرآنیده ختم انبیایه صلوات
هم فاطمه هم علی ولیٌّ اللاهَه
سرمنشاء نورِ اولیایه صلوات
گویچک لیقینین نظیری یوخ عالمده
ایّکیمجی امام( مجتبی) یه صلوات
حُسنونده حسین اولوپ حَسَن مانندی
گوندر او شهیدِ کربلایه صلوات
دوردومجی امام آدی علی دی سجّاد
هم زین العبادِ با صفایه صلوات
استادیدی علمیده امام باقر
همنام پیمبرخدایه صلوات
آلتیمجی امامیمیز امام صادق
جعفردی آدی او مقتدایه صلوات
موسی آدی جعفراوغلی یدّیمجی امام
کاظم لقبی اولان آقایه صلوات
ایرانی ائدیپدی ایکّی گل باغ جنان
معصومه و حضرت رضایه صلوات
اولدی لقبی" تقی" جواد" "ابن رضا"
دریای کرم او با سخایه صلوات
هادی و نقی ملقّب اولدی مولا
همنام علی ّ مرتضایه صلوات
همنام حسن که عسکری آدلاندی
مهپارة شهر سامرایه صلوات
اون ایکّی امامین آخیری مهدی دی
زهراگولی ختمِ اوصیایه صلوات
اوز رحمتیوی خدا بیزه نازل ائله
آخیردا اجابت دعایه صلوات
- سه شنبه
- 25
- خرداد
- 1400
- ساعت
- 10:58
- نوشته شده توسط
- یوسف اکبری
- شاعر:
-
سید ناصر ولائی زنجانی
ارسال دیدگاه