سند ملعون اولدی زندانبان الینده تازیانه
حضرته وئردی شکنجه دوتدی هرزاتدان بهانه
چوخ شکنجه قامت طوبا نی دوندردی کمانه
سند ملعون ائیلدی از بسکه مولایه ستم لر
جان وئریر زنداندا یارب حضرت موسی بن جعفر
اون بیر ائیل زنداندا آللاه اولدی گل تک جسمی پرپر
جان وئرن وقتینده مولا یاد ائدیپ اوغلی رضانی
اوغلونی سسلیر رضا جان گل بالا درک ائت آتانی
مهربان معصومه هاردا تا چاتا عرشه فغانی
جان وئرن وقتینده گوزلر یولداکی محبوبی گوزلر
جان وئریر زنداندا یارب حضرت موسی بن جعفر
اون بیرائیل زنداندا آللاه اولدی گل تک جسمی پرپر
هر آتا وار آرزوسی جان وئرنده هرمکاندا
آلسین آغوشه بالاسی باشینی آخیر زماندا
اوغلونون گورسون جمالین جانی جسمیندن چیخاندا
کربلاده بار الاها ترسه گلدی بئیله منظر
جان وئریر زنداندا یارب حضرت موسی بن جعفر
اون بیر ائیل زنداندا آللاه اولدی گل تک جسمی پرپر
نوجوان اوغلی حسینینین جان ووئریر دی کربلاده
بیربئله احواله یارب آغلیور ارض و سماده
قطعه قطعه جسمینه ائیلور نظر قانلی عباده
قویدی صورت صورت زیبا سینه فرزند حیدر
جان وئریر زنداندا یارب حضرت موسی بن جعفر
اون بیر ائیل زنداندا آللاه اولدی گل تک جسمی پرپر
- دوشنبه
- 31
- خرداد
- 1400
- ساعت
- 17:58
- نوشته شده توسط
- یوسف اکبری
- شاعر:
-
سید ناصر ولائی زنجانی
ارسال دیدگاه