ای وای بابا جان هاردا قالیپسان سنه قربان
شمشیر جفانی بابا کیم ویردی باشیندان
زینب قیزیوین گوزلری آغلاردی علیجان
جانیم سنه قربان آولا جانیم سنه قربان
دور قبریدن الان بابا جان آچ منه آغوش
سس ویر سسیمه اولماگیلان ساکت و خاموش
زینب قیزیوین گوزلری آغلاردی علیجان
جانیم سنه قربان آولا جانیم سنه قربان
بیکس قیزیوام یوخدی آنام دور منی دیندیر
یاتما قوری یئر لرده بابام دور منی دیندیر
زینب قیزیوین گوزلری آغلاردی علیجان
جانیم سنه قربان آولا جانیم سنه قربان
سنسیز بیزه دنیا باباچوخ پیس زمان اولدی
کلثوم باجیمین گور نئجه حالی یامان اولدی
زینب قیزیوین گوزلری آغلاردی علیجان
جانیم سنه قربان آولا جانیم سنه قربان
هجران گونی هر بیر گونی بیر ایلدی واویلا
محرابه آخان قانیوی کیم سیلدی واویلا
سن گیتماقیلان قلبیمیزه غملر الندی
زهرا آنامین بوش یئری چوخ ائوده بیلیندی
بیرقیز کی سنین یاره وی باغلاردی علیجان
زینب سنه قربان بابا جان هاردا قالیپسان
ظلمیله سنین باشیوی کیم یاردی علیجان
گل غملریوی بیر گیجه لیق ائیله فراموش
اولسیدی آنام یاره وی باغلاردی علیجان
زینب قیزیوین گوزلری آغلاردی علیجان
جانیم سنه قربان آولا جانیم سنه قربان
قویما بوقدر اوتدا یانام دور منی دیندیر
سن تک منه غمخوار بابا کیم واردی علیجان
زینب قیزیوین گوزلری آغلاردی علیجان
جانیم سنه قربان آولا جانیم سنه قربان
هجرینده حسین وحسنین باغری قان اولدی
زینب گوزو آغلار سنی آختاردی علیجان
زینب قیزیوین گوزلری آغلاردی علیجان
جانیم سنه قربان آولا جانیم سنه قربان
زینب آتاسیزلیق غمینی بیلدی واویلا
قانین اثری ائوده هله واردی علیجان
زینب قیزیوین گوزلری آغلاردی علیجان
جانیم سنه قربان آولا جانیم سنه قربان
غملر باباجان بیزلره باشدان ته زه لندی
شاهد قان اولان گوزلره مسمار دی علیجان
- سه شنبه
- 1
- تیر
- 1400
- ساعت
- 18:24
- نوشته شده توسط
- یوسف اکبری
- شاعر:
-
سید ناصر ولائی زنجانی
ارسال دیدگاه