اوغلوم علی آچ گوزوی منه بیر باخ بالا
سالماگیلان نازلی بالا منی حالدان حالا
آیریلیقا یوخدی اوغول گوروسن طاقتیم
چوخدی اورکده بیلوسن سنیلن صحبتیم
اولسون آنان گوزلریوین فداسی
وار بوغازین توختامیان یاراسی
جانم علی جانم علی جان بالا
جانیم اولا جانیوا قربان بالا
ائیلمه بوحالتیلن اوره گیمی کباب
آچ گوزوی یومما بالا منم اوغلوم رباب
گل منیم آغوشیمه ای سوت امر اصغریم
یوخدی سوتوم نیله مه لی گوزلیم دلبریم
جانم علی جانم علی جان بالا
جانیم اولا جانیوا قربان بالا
گوزدن اوغول ایندی منی گلیپ آتما گئتمه
آی کیمی قرمز بولودا بالا باتما گیتمه
صبحه کیمی سیزلاماقین منی سالدی دیلدن
حرمله اوچ پر اوخولان سنی آلدی مندن
جانم علی جانم علی جان بالا
جانیم اولا جانیوا قربان بالا
سینه ده کی غملریمین یوخودی هئچ سانی
وای منه بوقونداقیوین هارا آخمیش قانی
گیتدین اوغول سو ایچه سن قانا باتدین بالا
اولما روا کی آناوی بالا سنسیز قالا
جانم علی جانم علی جان بالا
جانیم اولا جانیوا قربان بالا
بیلمیرم الان سنه من نیجه لای لای چالیم
مندن اوزاخ اولما بالا نیجه سنسیز قالیم
آغلا ولایی دیگیلن کی نه چکدی رباب
اوغلونی گورجک آنانین حالی اولدی خراب
جانم علی جانم علی جان بالا
جانیم اولا جانیوا قربان بالا
- سه شنبه
- 1
- تیر
- 1400
- ساعت
- 18:34
- نوشته شده توسط
- یوسف اکبری
- شاعر:
-
سید ناصر ولائی زنجانی
ارسال دیدگاه