ای منیم یاوریم جان طاها ، فاطمه همسرین قویما تنها
باخ سیزلّیر اوشاقلار غمیندن ، سسلنیلّر سنی گیتمه زهرا
بوائوین یوخدی سنسیز صفاسی،زینبین دیلده وار وای آناسی
آچ گوزون گلمیشم باشین اوسته،قویما اولسون علی دلشکسته
جانیوا آند اولا غمگساریم،عمریدن اولموشام منده خسته
فاطمه ای علی نین امیدی،بی کَسَم آچ گوزون یا علی دی
باغبان اولسا گُل لَر سارا لماز ،غصّه لر صبریمی الدن آلماز
آشکارا دی عالم ده مطلب ، اولسا زهرا علی تئز قوجالماز
قویما تک مرتضانی اماندی،غصّه دن قلبیم اوتلاندی یاندی
محرمیندن ندن یوز دوتوپسان، گوزده یاشی قانیلن قاتوپسان
سن نه لر گوردون اون سکّیز ایلده، عالمی ایندی گوزدن آتوپسان
فاطمه ای علی نین امیدی، بی کَسَم آچ گوزون یا علی دی
درگهیم یاندی اوتدا الهی، وار علی نین سنه سوز و آهی
محسنیمین نییدی گناهی، اُل علی نین اوزون داد خواهی
فاطمه یاوریم دوشدی دیلدن، بی گنه محسنیم گیتدی اَلدن
ای منه مصطفی دن امانت، ائتدی امّت سنه چوخ اذیت
مرتضی اولدی شرمنده سندن، قبره گیتدین سیننده جراحت
گوز یاشیم ایندی قانه قاریشدی، داغ هجرینده قلبیم آلیشدی
یاز ولائی علی نین غمیندن، یان اودا فاطمه ماتمیندن
ایسته دم سنده روح القدسدان، تاویره دم سنه اوز دمیندن
عرض ائیله ای علی روح و جانی، قسمت ائیله بیزه کربلانی
- چهارشنبه
- 2
- تیر
- 1400
- ساعت
- 11:4
- نوشته شده توسط
- یوسف اکبری
- شاعر:
-
سید ناصر ولائی زنجانی
ارسال دیدگاه