امام جعفر صادق جهانی ترک ایتدی
شهید اولوپ آقا دارفنانی ترک ایتدی
هامی بیلیر کی بیزیم جعفریدی مذهبیمیز
امام مسلک حق شیعیانی ترک ایتدی
امام زهر جفاییله چون اولوب مسموم
یانیپ جگرلری محنت سرانی ترک ایتدی
امام صادقه یوخدی نظیر عالمده
جهانی حضرت زهرا نشانی ترک ایتدی
امام صادق ائوین اوتلیوپدی ظالم لر
گوروپدی اوتدا یانیر آستانی ترک ایتدی
بو اوت سالیپدی منیم یادیمه بیر آیری اوتی
کی باعث اولدی خانم مرتضانی ترک ائتدی
قاپی دالیندا دوروپ نچه یوز نفر ظالم
خیال ائتمه کی ظالم جفانی ترک ائتدی
علی دن ایستی ییر آلسینلا ظلمیلن بیعت
مرّوت و ادبی اوردا ثانی ترک ایتدی
یانان قاپی دالیسندا دوران بیر عورتدی
ولایت اوسته خانم حبّ جانی ترک ایتدی
بوقدری گلدی فشار عاقبت قاپی سیندی
جنایتین بیله فکر ایتمه جانی ترک ایتدی
بیر آلتی آیلیق اوغول محسن آدلی بطنینده
فشار باعث اولوپدی بالانی ترک ایتدی
قاپی دالیندا ییخیلدی ائمّه نین آناسی
قلم اوتاندی اوتوزقون فضانی ترک ائتدی
قییتدی کرب وبلایه مدینه دن قلمیم
حدیث حضرت خیرالنسانی ترک ایتدی
حسین وکرب وبلانین نقدری غصّه سی وار
نه نوعی زینب او غملی مکانی ترک ایتدی
دوتاندا خیمه لر اوت قاچدی چوللره بالار
نیجی کی اوتدا کی قوش آشیانی ترک ایتدی
امامی اوتلار ایچینده گوروپ خانم زینب
اوزون ویریپ اوتا صبری عنانی ترک ایتدی
چیخارتدی اوتلار ایچیندن مریض بیر بالانی
هراس وخوفیله خیمه سرانی ترک ایتدی
داغیلدی چوللره قیزلار دوتوپدی اوت قلبیم
نه نوعی خیردا جا قیزلار اورانی ترک ایتدی
قلم دایان دیمه دای کربلا مصیبتینی
دایانما اوردا کی ظالم حیانی ترک ائتدی
ولایی نین گوزی کرب وبلاده دی یارب
بیر ایل اولار کی بو نوکر آقانی ترک ائتدی
- پنج شنبه
- 3
- تیر
- 1400
- ساعت
- 10:58
- نوشته شده توسط
- یوسف اکبری
- شاعر:
-
سید ناصر ولائی زنجانی
ارسال دیدگاه