رحمت آیی گَلدون ولی گویا گِنه گِئتدون
اِئتدون هامونی عشقه مُهیّا گِنه گِئتدون
سنله بیلوسن هر گجه لَر خَلوت اِئدردیم
عادت منه اولمیشدی بو ،امّا گِنه گِئتدون
شاید گِنه ده قسمت اولا سنله گوروشمَگ
وِئردون گجه لَر بیزلَره صَهبا گِنه گِئتدون
کونلومدَه قالان سوزلَریمی سنله دانیشدیم
بیلمَم هارا چاتدی سوزوم آیا،گِنه گِئتدون
گوندوزلَرووَه گون چاتا بیلمَز اونا سوز یوخ
امّا گجه لَر شوریدی بَرپا گِنه گِئتدون
گِزلَتدون او گِزلین گجه لَر لِیله ی قَدری
دَرک ایلَمَسم وای منه اِیوا گِنه گِئتدون
افسوس او سحرلَرکه فقط خاطره اولدی
هَر یانَه دوشوب شوریله غوغا گِنه گِئتدون
(نادرده) سنی بَدرَقه ایلَر گوزی یاشلی
زَنگار وِران قلب اولوب اِحیا ، گِنه گِئتدون
- شنبه
- 12
- تیر
- 1400
- ساعت
- 19:18
- نوشته شده توسط
- یوسف اکبری
- شاعر:
-
حاج نادر بابایی
ارسال دیدگاه