محرابیده چون فاتحِ خیبر یارالاندی
سس دوشدی گَلون مسجده حیدر یارالاندی
عشق آینون اون دوققوزی آخر سحر اولدی
قانه بَلشوب ساقی کوثر یارالاندی
بیر ظلم ائلدی زادهء مُلجم اثریندن
قرآن ائوینه پایه و لنگر یارالاندی
اوچ گوندی دوشوب بستره خورشید ولایت
شرعِ نَبوِی کوفه ده یکسر یارالاندی
اوچ گوندی یَتیملر گوزی یولّاردا قالوبدور
درمانده لَره حامی و یاور یارالاندی
صود اَلده گلوب باب اِمامتده دئیوللَر
وای باشیمیزه اَل چَکن اَللر یارالاندی
جِبریلِ اَمین باشین آچوب عرشیده آغلار
شوریده باش آخر دَم خنجر یارالاندی
نُعمانه خبر وئردیله درمانینه گلدی
گُلشنده گوروب بیر گُلی پَرپَر یارالاندی
سالدی جگرین بَندینی اول یاریه ، باخدی
اولدی اثر زَهر که اَظهر ، یارالاندی
گوردیله حکیم اَللرینی بیربیره وردی
اطرافین آلان اُمّت مُضطر یارالاندی
اوغلانلاری مَحزونیدی قیزلاری پریشان
آغلاشدیلا باهم ، شه محشر یارالاندی
اَل سینه ده دورمیشدی حسین و حسن اوغلی
عباس الی قوینوندا مُکدَّر یارالاندی
- شنبه
- 12
- تیر
- 1400
- ساعت
- 19:48
- نوشته شده توسط
- یوسف اکبری
- شاعر:
-
حاج نادر بابایی
ارسال دیدگاه