اون دوقوزی چون ماه صیامون سحر اولدی
بیر آی ائله بیل سجده ده شَقّ القَمر اولدی
معبوده علی باشلادی چون راز و نیازی
باش سجده ده ذکره دیل آچوب لَحن حجازی
اِتمامه ولی یتمدی آخرده نمازی
محرابیده ارکان نمازه خطر اولدی
آفت یتیشوب سَرو گلستانه الهی
ضربت ورولوبدور شه مردانه الهی
معشوقه چاتور عاشق فرزانه الهی
فیض اَبده شیر خدا مُفتخر اولدی
محرابی مُزَیّن ائلیوب باشداکی قانی
قوزاندی گویه شیعه لرین آه و فغانی
ئوز بیتینه حمل ایلدیلر شیر خدانی
زینب نجه بو حالیدن آیا خبر اولدی
خاموش اولور بوگجه دن نور هدایت
اَلدن گئدوری منبع ایمان و شرافت
گویا که کُسوف ایلوری خورشید ولایت
قانه دونن اَلقصه سرشک بَصر اولدی
اَمر ایلدی اوغلانلارینا حیدر کَرّار
ضارب که سیزون اَلده اولوب ایندی گرفتار
راضی دَگولم غیر اَدب گر اولا رفتار
اَحبابی ائشیتدی بو سوزی خونجگر اولدی
اَحبابینه تکلیف ائلیوبدور شه مردان
دنیادن اوزون اَللروزی تا قالا ایمان
(نادر)گَل ئوزون باغلا اومولائیله پیمان
آخرده دئمه عمر مَتاعی هَدر اولدی
- شنبه
- 12
- تیر
- 1400
- ساعت
- 19:54
- نوشته شده توسط
- یوسف اکبری
- شاعر:
-
حاج نادر بابایی
ارسال دیدگاه