گِنه آخشام اولدی الله گِینوبدی قارَه یَثرب
گجه لَر قَفسدی گویا منِ دِلفکاره یَثرب
من او بلبلم گوزونده سارالوبدی صَحن گُلشن
قَنادی سینان هَزارَه نَه چکوبدی بیلمیشَم من
بوش اطاقلارون نَماسی منه اولدی بیت الاَحزَن
تاپا بیلمَدی فَراقه یر اوزونده چاره یثرب
نَدی چاره بو گئدنلَر گَلیشینده چوخ یوبانسا
گجه لَر قرانلوق اِئوده قانا گوز یاشیم بویانسا
غمیم اولماز اوندا یارَب بو اِئوین چراغی یانسا
بو خزان غَمفَزادن دونَه گر بهاره یثرب
بو مدینه نون ایشقلی گونی کوی یاره گئتدی
او گونون یانیندا بیر آی قوشولوب سواره گئتدی
او آیون گونون دالیجا دوزولوب ستاره گئتدی
یانوب هجریدن آلیشدی چکوری شَراره یثرب
داخی صبر جامی داشدی ائدیم هانسی درده درمان
گوزوم انتظار و حسرت نَنَه سیز قیزام پریشان
نه گلوب گئدن واریمدی نده انتظاره پایان
نجه غربت اولدی آخر من بیقراره یثرب
- یکشنبه
- 13
- تیر
- 1400
- ساعت
- 17:14
- نوشته شده توسط
- یوسف اکبری
- شاعر:
-
حاج نادر بابایی
ارسال دیدگاه