دور آنا من وطن ائوین
خارج اولان زمان دا گل
بدرقـــــه یــه گئلنمسن
مقصدیمه چاتـان دا گل
غربت ائدوب رضا منی
جان ائلیور رها تنی
ترک ائلیوب بو گلشنی
لاله کیمی صولان دا گل
دور گئدور آشنا لرون
سال یولا بی نوا لرون
ایندی ائله دعا لرون
اوردا قبول اولان دا گل
دور منه وئر ندا گئدوم
عشقیمه وئر بها گئدوم
سَعیْـیمه قیل صفا گئدوم
مشعره ال تاپان دا گل
داغلی گؤروب دیلون گئدوم
خسته دی بلبلون،گئدوم
قوخلیورام گولون گئدوم
عطریوی من آلان دا گل
بار سفر دی غم منه
نیسگیل اولوب بو دم منه
ایله کمک ننم منه
بو چتین امتحان دا گل
عشق و وفا یولوندایام
قالو بلیٰ یولوندایام
کربــبلا یولوندایام
اول یئره میهمان دا گل
ای فدکین شقایقی
سن بیلوسن حقایقی
باری بو خونِ عاشقی
سیر ائله آسمان دا گل
اوغلی گئدنده هر آنا
راهینه سو سَپَر آنا
گوز یاشینی توکر آنا
سن منه آغلیان دا گل
دونی چاتاندا کامینه
ظلمی چکر ختامینه
عترتیوون خیامینه
سو یولی باغلانان دا گل
قانی ام انقلابیمون
کشته سیم کتابیمون
سینه سینه ربابیمون
اصغریم ال چالان دا گل
ابره دؤشنده کوکبیم
تک قییدنده مرکبیم
گل چاغیراندا زینبیم
خیمه لر اودلانان دا گل
درک ائت ئورک ملالینی
عترتیمون جمالینی
اوددا یانان دا حالینی
نازلی قیزیم قاچان دا گل
خسته دؤشنده پیکریم
یا کسیلن ده اللریم
سینه مین اوسده اصغریم
قبره منی قویان دا گل
گؤر آنا سوز و سازیمی
دیلده اولان نیازیمی
قانلیه جا نمازیمی
مقتلیمه سالان دا گل
- چهارشنبه
- 4
- فروردین
- 1400
- ساعت
- 20:16
- نوشته شده توسط
- یوسف اکبری
- شاعر:
-
امین اسماعیل زاده ماکوئی
ارسال دیدگاه