اَهلون عجب تایسیزدی ای ایران
دشمنلرون پایسیزدی ای ایران
هم باکری وار هم سَتّارخانون
اَصلانلارون سایسیزدی ای ایران
آدون باشیمدا بیر تاجِ عزّت
سندن اوتور جانوئرماق سعادت
چوخلار اولوبدی سنه فدایی
ای مَهدِ ایمان ای مَهدِ غیرت
وطنیم ، وطنیم
بو گوزل پَرچَمون منیم کفنیم
ایران ، ایران
ایرانِ قهرمانیم ای ایران
ایران آدون چوخ چوخ مُحتَرَمدی
اَهلون اوزون تَک اهلِ کَرَمدی
سَردارِ دلها بیوردی بیر گون
ایران بیزه واللهی حَرَمدی
سرلوحه میز آیاتِ قرآندی
شمشیریمیز دلده کی ایماندی
دشمن بیزه غالب اولا هیهات
پیروزِ میدان ، آخر ایراندی
وطنیم ، وطنیم
بو گوزل پَرچَمون منیم کفنیم
ایران ، ایران
ایرانِ قهرمانیم ای ایران
دنیایه سالوبسان غوغا ایران
کُفرون بَساطین داغیتسون ایمان
رؤیاده دشمن پیروز اولموشدی
خوابِ یَهودی ائتدون پَریشان
فَتّاح و خیبر ، قَدریله سِجّیل
اولوب بو گونلر یارِ عزرائیل
آخر جَوانلاریوین اَلینده
نابود اولاجاق حتماً اسرائیل
وطنیم ، وطنیم
بو گوزل پَرچَمون منیم کفنیم
ایران ، ایران
ایرانِ قهرمانیم ای ایران
چوخ با شَرافت یاتوب سینَنده
تا خاکِ میهن قالسون ایمَنده
واردور اُمیدیم بیزیده الله
محشر گونونده ائتمز شرمنده
آسوده یات ایران بیز اویاقوخ
تپراقیوا داغ کیمی دایاقوخ
بیز دوز ییوب دوزدان سیندیرماروق
بیر عُمرودی سُفره وه قوناقوخ
وطنیم ، وطنیم
بو گوزل پَرچَمون منیم کفنیم
ایران ، ایران
ایرانِ قهرمانیم ای ایران
- دوشنبه
- 21
- اردیبهشت
- 1405
- ساعت
- 0:49
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه