ایشیت خیر النسانین زینبیندن
ملکلر درس آلوب چادر شبیندن
بیله شاگرد ممتازه ماشاالله
چخوب علامه زهرا مکتبیندن
همان زینب هوادار حسیندی
بلا دشتینده غمخوار حسیندی
اسوردی قورخودان آل امیه
ابوالفضل تک علمدار حسیندی
همان زینب حسین تک حق دیندی
یزیدین قصرینی ویران ایدندی
ایله بیل خطبه سی تیغ علیدور
آتاسی شیر اوزوده شیر زندی
همان زینبدی کی زهرا نشاندی
شرف و آبرو دینه قازاندی
مقام زینبه ایتسم اشاره
سه ساله فاطمه سی قهراندی
- جمعه
- 18
- تیر
- 1400
- ساعت
- 12:41
- نوشته شده توسط
- یوسف اکبری
- شاعر:
-
ناشناس ؟؟؟
ارسال دیدگاه