قضاکلکی منی یازدی، ازلدن نوکر زینب
قویبلار آدیمی چوخدان، غلام مضطر زینب
اگرآب بقا ائتدی جهاندا،خضری جاویدان
منی دنیایه شاه ایلر، شراب ساغر زینب
غمیم یوخدور بوعالمده ،نقدری مشکلیم اولسا
گلر امداده سلسنسم ،وفالی افسر زینب
منم دیوانه عشقینده ،یوخوم پروا شماتتدن
فقط بیر خواهشیم واردور، اولام تاقنبر زینب
حیاده یوخدی همتاسی ،شرافت درسین ازبردی
حجاب و غیرت وایمان، اولوبدی زیور زینب
ائدیبدی نطق برانی، سپاهه کفری بیچاره
لباس و جوشن دیندی ، نقاب ومعجر زینب
اولار روز قیامتده ،خلایقدن خداراضی
اگر پرونده ده گورسه ،رضای مادر زینب
«عبادی» سالمادون باشه ،اگر نوکرلیگین شالین
تلاش ایله قبول ائتسین،سنی سرلشکرزینب
- شنبه
- 17
- تیر
- 1402
- ساعت
- 18:17
- نوشته شده توسط
- یوسف اکبری
- شاعر:
-
عبادی طارمی
ارسال دیدگاه