بزم عزادی ماتم بناسی
مولا علینون باشلاندی یاسی
دلداده زینب غم مبتلاسی
قانیاش گوزونده دلده نواسی
بیکس علیجان مغموم علیجان
دنیاده اول مظلوم علیجان
لایلای علی جان
اهل ضلالت ایتدی شرارت
بیر طرح توکدی ضدولایت
مجری مرادی کان قساوت
روز جزایه یوخ اعتناسی
بیکس علیجان مغموم علیجان
دنیاده اول مظلوم علیجان
مولا دلونده اذکار باری
غرق نماز و شب زنده داری
دگدی باشوندان بیر زخم کاری
سالدی ایاقدان دائم سپاسی
بیکس علیجان مغموم علیجان
دنیاده اول مظلوم علیجان
فُزت و ربِّ الکعبه اوجالـدی
محرابه قاندان سجاده سالـدی
زهر اولدی کاری آرامین آلدی
رنگی سارالدی گیتدی قواسی
بیکس علیجان مغموم علیجان
دنیاده اول مظلوم علیجان
قانه بویاندی حیدر یخیلدی
سندی حریمی منبر یخلیدی
کفر اولدی غالب باور یخیلدی
اوجه یتوشدی خصمون جفاسی
بیکس علیجان مغموم علیجان
دنیاده اول مظلوم علیجان
- یکشنبه
- 20
- تیر
- 1400
- ساعت
- 16:50
- نوشته شده توسط
- یوسف اکبری
ارسال دیدگاه