سربلند اولسون همیشـــه کشور ایرانیـــمیز
خاکینه قربان اولا رگلرده جاری قانیمـــیز
کشور اسلامیــدور عزتلیدور وار قدمــتی
مهد شیران و دلیــران وار گوزل حیثیّــتی
اگمیوب اگمز باشیــن اهــریمن و بیگانیه
یاتمیوب بیداریدور آماده دور هر ثانیه
کشور با اعتنا موسی الرضا تک شاهی وار
اقتدار و فخری وار ایثاریله هم جـاهی وار
هانسی کشور مثــل ایــران وار بیله امنیتی
وار سلیمانی کیمـین میلیـــون نفر با غیرتی
رهبره صد آفرین دویموبدی سوز و سازیدن
سویلدی قورخماز بیــله کشــور ترقــه بازیدن
جبهه لرده چوخ جوانلار جانلاریندان کچدیلر
قانلاریلان قـــد رعنــــــایه کفنــــلر بیچدیلر
ایندی بو ملت بیــله تهـــــدیدیلن کچمز دالا
سسلــــنر هَیــهاتُ مِنّا اَلــذِّ لَّــه هــــر یار ولا
قورخوسی یـــوخ داعش و وهابیِ بی پایه دن
چون قدر قـــدرتدی هامی کشور همسایه دن
ملت ایـــــــران اگر هـــــر جبهـیه پابند اولا
منکــــــر فرهنگ و یا باشــدا قرا سربند اولا
شهریـــــده اولسون و یا مسکــن بیابانی اولا
یا طرفــــــدار رئیسی یــــا که روحانی اولا
ایستســه دشمـــــــن تجاوز ایلیه بو کشوره
چپ باخـــــــا ناموسیـــنه یا ملتــه یا رهبره
اتحادی وار همیشه صحنه ده یکرنگ اولار
غیرتی جوشه گلر هر تک تکی سر هنگ اولار
فرقی یوخ دشمن اگر وهـابی یا داعش اولا
امریکا و انگلیس هــــر قوم بی ارزش اولا
بو همان ملتـــــدی خرمشهری آزاد ایلدی
نخله ی ظلـم و فسادی ریشه سیندن پیلدی
وای اوگوندن که بیزه سید علی فرمان ویره
پرچم نصــــــرت الینـده غملره پایان ویره
ملت ایران همیـــــشه صحنه ده آماده دی
غیرتی عباسی و حیــــدر کیمی آزاده دی
آند اولا نامــــــوس زهرایه دایانماز بیر نفر
تک تک ایرانــــــیلر غــیرتلری جوشه گلر
دشمنون قبرون قازوبدور اوستونه کوللر سپر
داعـــــش و آل سعودیـن نسلینی یردن کسر
- دوشنبه
- 21
- تیر
- 1400
- ساعت
- 21:48
- نوشته شده توسط
- یوسف اکبری
- شاعر:
-
احمد پوریا
ارسال دیدگاه