قبله ی اهل ولا یا علی موسی الرضا
جانیوه عالم فدا یا علی موسی الرضا
مرشد دین خدا ، خلقه مدد کار سن
باب کرمدور قاپون ،جلوه ی ایثــار سن
باغ ولایتده چون،بیـــر گل بی خار سن
شیعه لره رهنما، یا علـــی موسی الرضا
نور ملک پاسبان، شاه خــــــراسان رضا
رهبرو هم ســـرورِ، ملت ایـــران رضا
آینه ی نور حــــق آیت سبحــان رضا
یاور عشق آشنا ،یا علی موســـی الرضا
جانیمیز اولسون فدا، اول دل نــاشادیوه
گوز تیکوب اهل نظر، پنجره فولادیوه
شیعه سرافراز اولوب، ایتدیگون ارشادیوه
دلبر خیر النساء ،یا علی موسی الرضا
صحن و سراسی گوزل گنبـد زیباسی وار
شهر خراسانیده جنت الاعلاسی وار
فخر ایلیر اهل دل، سن کیمی مولاسی وار
غیرتیده مرتضا یا علی موسی الرضا
کشور ایران آقا فخر ساتــار ماهی وار
حضرت موسی کیمین دست یــــداللهی وار
چپ باخا بیلمز عدو، سن کیمی چون شاهی وار
دشمنه بی اعتنا یـــــا علی موسی الرضا
لعن خداونــــد اولا کــــافر بی ارزشه
شیعه نی تهـــــدید ایـــــدن دشمن بد زایشه
آل سعــود و هــــمی، لعنـــت اولا داعشه
سسلنر اهل سمـــــــا یا علی موسی الرضا
فکر ایلیوللر بــورا، حـــــــالت بحرانیدور
مصر و یَمندور ویــــــا سُــوریه، لُبنانیدور
آنّنامیــــوبلر هَله ، کشـــــور ایرانیدور
سنده دینن یکصدا یا علی موسی الرضا
آند اولا پیغمبره، شیـــــر خــدا حیدره
فاطمه ی اَطهره، قولســـــــوز اولا ن سروره
خانه سی ویراندی کیم، چپ باخا بو کشوره
ذکر دل اولیا یا علــــــی موسی الرضا
هر کیم اولانمز بو گــــــون آل علی عاشقی
مِهر و وفا ایستیر، کیـــــم اولا حـق لایقی
لعنت او ناکســــلره صَب ایلیور صــــادقی
مُتَّقی اَلاتقیــــــا یا علــــــی موسی الرضا
بیز مگه بی صاحبوق، طعــــــــنه ورا اَجنبی
فاتح خیبر علــــی ، نور ویــــرور مکتبی
سالدی یزیدی یـــــره، شاهیمیـــزون زینبی
عاشق کرب و بلا یا علـــــی موسی الرضا
حضرت صادق بو گون عاشــق حَسّاسی وار
شیعه لره چون مدد ، تیغه ی المــــــاسی وار
تو دهنی دُشمنه وُورماقا عبّـــــاسی وار
اللری مشگل گشـــــا یا علی موسی الرضا
هر شب جمعه آقـــــا، قبریوه مهمــــان گلر
حضرت خیــر النسا، اُســـــوه ی نِسوان گلر
خامس آل عبـــــا شــــاه شهیدان گلر
ای حرمی باصفا یا علــــــــی موسی الرضا
ایلده امامِ رضـــــــا، هیئتـــــی مهمانیوخ
شمع ولا سن آقـــــا بیز سنـــــــه پروانیوخ
یاز گینه دعـــــــوتلری عـــــاشق مستانیوخ
دیلده دیر (پــــــــورِیا) یا علی موسی الرضا
- سه شنبه
- 22
- تیر
- 1400
- ساعت
- 11:28
- نوشته شده توسط
- یوسف اکبری
- شاعر:
-
احمد پوریا
ارسال دیدگاه