آتدان یخلدی سقا - تز گل اماندی قارداش
میدان کربلاده - گور نه دوماندی قارداش
امداد ایله حسینجـــان ای نور هـر دو عینیـم
قولار دوشوب بدندن چارم کسیـلــدی نینیم
سو قولـــی ویردیــــم اما اولمـاز ادای دینیم
گَل گَل اوپوم یوزوندن آخر زماندی قارداش
چون مرغ پر شکسته آتدان یخلمیشــــام گل
بیر اوخ دگوب گوزومدن چوخ چوخ سیخیلمیشام گل
از بس یارا وروبلار قارداش کیـچیلمیشام گل
سقای کربلانون حالــی یامانـــــدی قارداش
نهر فـــــــراتی آلـــــــدوم لعنت بو قوم ناره
سو دولدوروب گتوردوم ششماهه طفل زاره
ناگه دگوبدی بیر اوخ مشک اولدی پاره پاره
اصغر غمونده سقا دل ناگراندی قارداش
ای آسمان عشقیـــــن خـــــورشید بی بدیلی
سن جــنتین هُـــماسی کـــــرب و بلا خلیلی
ای گوزلریــم ضیاسی سن شاهلارون جلیلی
کُفر اهلی دوریم آلموش گل اَل چالاندی قارداش
ای نـــــور حَـــــیِّ داور ای معـــــدن شرافت
نوکر دوشوب یوز اوسته گل قوی باشیمه منت
قدین خم ایتمه قـــارداش ای معنــــی صلابت
دشمنلریم بو چولــده طعـــنه وراندی قارداش
گَل باشیم اوسته مولا زهـــرا آنــــان گلوبدی
کرب وبلا غمیندن گوز یاشی قــــان اولوبدی
پهلوسی یاره لیدی گُل تک ولـــی سولوبدی
گوردوم جواندی اما قدی کمانـــدی قارداش
ای زینبین نگاری زهرا مــــــــارالی تز گل
دیلدن دوشوبدی سقا پیــــکر یارالی تز گل
نازلی رقیه دن حیف دوشدوم آرالــی تزگل
سقای کربلا نون گوز یاشی قاندی قارداش
یازماقدا غملی نوحه (پوریا ) تاپوپ سعادت
دیلده دیور قبول ایـــــت ای شـــافع قیامت
قسمت ایله بو جمعــــه بیر اربعیـــن زیارت
طَبعینه سن نظر قیل چون نوحه خواندی قارداش
- سه شنبه
- 22
- تیر
- 1400
- ساعت
- 11:50
- نوشته شده توسط
- یوسف اکبری
- شاعر:
-
احمد پوریا
ارسال دیدگاه