قورولوب عالم آرا بزم عزاسی آقامون
دوشدی یاده گنه ده کرب و بلاسی آقامون
اوجالوب صوت عزا اوج ائلیور افلاکه
چکیلوب عالم امکانه عزاسی آقامون
قاره پرچم گنه ده سایه سالوب باشیمیزه
تیترییور باملر اوستونده لواسی آقامون
گلمیسوز یاسه تسلی وئره سوز فاطمیه
اگلشوبدی قاپی آغزیندا آناسی آقامون
حاجی عشق گیوب جامه احرامی بو آی
گودی مقتل اولوب کوه مناسی آقامون
ذبح ائدن لحظه ده قربانه وئرله سو،ولی
کسدی عطشان باشینی شمر دغاسی آقامون
سویوب عریان ائلمیشدی بدنین یاغی لر
گون ائوینده یوخودی تنده لباسی آقامون
غصه دن واردی یری قانه دونه گوزیاشیمیز
قانه باتدی الی اوستونده بالاسی آقامون
اوچ پر اوخ پارچالیاندا علی اصغر بوغازین
بار غمدن بوکولوب قدرساسی آقامون
اولمادی بیر نفر آلسین بالا نعشین آتادان
قانه باتمیشدی فرات اوسته اخاسی آقامون
دوتدی قانین بالانون سپدی سماواته حسین
مشتریدی اوقانا عرش خداسی آقامون
آچدی غمدن باشینی خیمده بیچاره رباب
دوندی بیت الحزنه خیمه سراسی آقامون
اوزووه فخر ائله خاکی نقدر وار نفسون
باشدی شاهدان ایکی دنیاده گداسی اقامون
- چهارشنبه
- 23
- تیر
- 1400
- ساعت
- 12:58
- نوشته شده توسط
- یوسف اکبری
- شاعر:
-
حاج روح الله رمضانی
ارسال دیدگاه