دئیر راهب که بیر گون بیر اسفلی ماجرا گوردوم
جدا باشینده باشلار که اولوب تندن جدا گوردوم
او باشلار نیزه باشینده کی صف چکمیشدیلر بیر باش
باخوب بیر عده آغلوردی اوقانلی باشلارا بیر باش
منیمده فکریمی چوخلی او دم جلب ایلدی بیر باش
که بیر باش نیزه باشینده دیور ذکر خدا گوردوم
شفقدن ذره ده اول دم یوخیدی عرش داورده
ولی گون مثلی تک باشلار ایشخلانموشدی نی لرده
اودم بیر نور بیر باشدان تجلی ایتدی بی پرده
او نور منجلی بیرآن کی اولدی انجلا گوردوم
بیرآز خیره اولوب باخدوم منی خیره اِیدن نوره
دِئدیم عیسی ابن مریمدور و یا موسیٰ گیدور طوره
غرض که جذبه عشقی گتوردی عاقبت شوره
باخوب شوق و لح ایچره بهشتی برملا گوردوم
ویروب بیر مبلغی آلدوم او باشی نیزه داریندن
گتیردیم دیریمه مهمان آیردوم ظلم خاریندن
گلابیله یودوم باشدان آخان قانی عذاریندن
دانشدردوم دانشدوقجا کلامینده صفا گوردوم
سورشدوم نسبتون آیا کیمه دنیاده وار شاها
بیله امر ایلدی راهب حسینم من بابام طاها
آتامدا شاه مرداندور آنام صدیقه کبری
رضای حقه خاطر من گلوب درد و بلا گوردوم
او باشلار کی جفاییله وروبلار نی لره بیرباش
بیری بیر سود امردور کی هله سنّی دگور بیر یاش
سو قحطی اولدی سو اوسته الردی عارضه قان یاش
آپاردوم سو آلام لشگر اونا ایتدی جفا گوردوم
بیری سردار لشگردور آدی عباس نام آور
منه هر یرده یار اولدی او سردار علم پرور
دئدیم بیر مشک سو آلسا ایچر بیر جرعه ده اصغر
گیدوب سو آلدی اما سو چخوب چوخ پر بها گوردوم
بیری تازه جوانیمدور کی ختم مرسله بنذر
آدی چوخلی بوعنوانه اولوبدور دیلره ازبر
خیالیمده اونون بیر دم جمالی اولموری مستر
اونا باخدوفجا دنیاده کأنه مصطفیٰ گوردوم
بیری قارداشیم اوغلیدور کی بیردم اولمادی دلشاد
اونون طوی صحبتین یاسه چووردی لشگر بیداد
بلا دشتینده بو نیسگیل قیامت ایلدی ایجاد
عروس فاطمه قاندان اله یاخدی حنا گوردوم
نچه مدتدی کی راهب دونوبدور گردش دوران
اولوبدور عترتیم یکسر اسیر فرقه نادان
گیجه گوندوز نوایله گزوللرچوللری ویلان
جدادن هر زمان باخدوم اورکلرده نوا گوردوم
بیری اوچ یاشدا بیر قزدور کی چخمور خط سیریندن
کچیبدور عشقینه خاطر حیاتین کل خیریندن
یوواندا باشیمین قانین باخوردی باب دیریندن
ویرر جانین اگر ویرسن همین قانلی باشا گوردوم
اونون تنها منم راهب ایکی دنیاده دنیاسی
اولوبدور مهربان قلبی غمیمده غصّه دریاسی
آنام زهرا کیمین چوخدور نه چون باشدا بلایاسی
تاپوپ آز مدتین ایچره باشی پی در بلا گوردوم
نه سن « ذهنی » نده « شانی » اولارسان دهریده « ساده »
نده « سعدی زمان » بیرده گلر عالمده ایجاده
گورنمز « هندی » امثالی دوباره کل دنیاده
مثال « صافی » عالمده اولوبدور کیمیا گوردوم
- یکشنبه
- ۳
- مرداد
- ۱۴۰۰
- ساعت
- ۱۱:۴
- نوشته شده توسط
- یوسف اکبری
- شاعر:
-
استاد داود طهمورثی
ارسال دیدگاه