دیده حق بینی یومدی عالمه خیرالنساء
دفنینه فوراً تدارک قیلدی شاه ماسوا
چون وصیّت اِیلمیشدی اولسه گیزلین دفن اولا
صبح صادق اولمامیش اولدی او امری جابجا
آز زمان ایچره بو فعلی بولمه آسان حیدره
بیر نچه قبرین او یرده طرحین اِیتمیشدی بنا
یِتدی تا اتمامه گیزلینده بو فعل جانگداز
مرتضی گلدی یانان درگاهینه چکدی قرا
تا ایشخلاندی هوا بولدی جفا اهلی تمام
دفن اولوب زهرا، اونا حیدر دوتوب اِیوده عزا
بو خبر گلدی سقیفه اهلینه بس که گران
جمع اولوب تشکیل شورا ویردی اول قوم دغا
صورت ظاهرده بیر عدّه سالوردی توطعه
صورت باطنده اولموشدی جهان ماتمسرا
دوتدولار تصمیم آچسونلا بتولین قبرینی
تا نماز مِیتی بوبکر ئوزی اِیدسین اَدا
ثانی بی دین قاباقدا آردیجا مردان پست
اولدولار راهی بقییعه یکسره اهل جفا
ویردی بیر کیمسه او دم مولایه گیزلینده خبر
آشنای اهل دل اولماز اولا بی آشنا
تا اِئشیتدی اِیستیور ثانی اِیده نبش قبور
اَل آپاردی ذوالفقاره لاجرم شیر خدا
باغلیوبدور بیر ساری دسمالی فوراً باشینه
یتدی قبرستانه صیحه ویردی میر مقتدا
سسلدی هر کیم بتولین قبرینه قصد اِیلسه
ذوالفقاریله علی اِیلر باشین تَندن جدا
اولدوربسوز ظلمیله پیغمبرین ریحانه سین
قویمسوز قبرینده ده زهرانی سیز راحت یاتا
کیمده جرأت واردی آچسون دخت طاها قبرینی
تیغ تیزیمله گرکدور ختم اولا بو ماجرا
باخمیون زهرانی دوگدوز ئوز قاپیمدا دینمدیم
دعوت اِیتمیشدی منی صبره نه چون که مصطفی
گوردی ثانی دوشدی اشراری سکوت مُبهمه
اعتداره آچدی دل اول مرد شوم و بی حیا
عرض ایدوبدور منده دستور آلمیشام بوبکریدن
آگهم، یوخسا دگور جایز بو فعلیم مطلقا
نوحه یاز قان آغلا بو ماتمده دائم ای (عتیق)
عمروی قویما اولا بیجا بو عالمده فنا
- یکشنبه
- 3
- مرداد
- 1400
- ساعت
- 15:20
- نوشته شده توسط
- یوسف اکبری
- شاعر:
-
استاد داود طهمورثی
ارسال دیدگاه